Meeting hi Nirmala Sitharaman, Union Finance Minister & Chairperson, GST Council chuan a kaihruai a. He meeting hi kumin 2026 a GST Council meeting neih hmasak ber a ni.  

He meeting-ah hian Central Goods and Services Tax Act  Section 69 hnuaia dan bawhchhia man theihna thuneihna tihdanglam te leh thubuai siamsak (prosecution) theih bithliah cheng vaibelchhe khat aṭanga cheng vaibelchhe nga-a tihsan chungchang an rel a. ITC & Blocked Credit inmil lohna chungchang sawiho niin, criminal proceedings lak chungchang leh chhawmdawlna te; telecom tower, life insurance leh free sample a 'blocked credit' awm ṭhin te tihzangkhai an rel a ni.

Registration & Compliance chungchang sawihoin meeting chuan hnathawh ni (working days) ni 3 chhunga registration tihfel a nih theihna tura chak zawka kalpui ni se an ti a. Sumdawnna hmun, partner te leh director te thlak/siamṭhat (amendment) awlsam zawka kalpui dan tur an sawiho bawk. 

Litigation & Disputes chungchang sawihoin Council chuan chhiah pek tur ₹10,000 aia tlem neite hnena show-cause notice pek leh court thubuai (litigation) siam loh ni se, tiin an rel a. E-Commerce & Sumdawnna tê ho - sumdawnna cheng vaibelchhe nga chin hnuailam te tan annual return awlsam zawk siam dan tur leh leh thla thum dana chhiah chawi (quarterly payments) an tih theihna tur chungchang te an sawiho a ni. 

Minister hi HK. Lalhawngliana, Commissioner of State Tax leh Lalruatpuia, Deputy Commissioner of State Tax ten an ţawiawm.